يــمّـــه عسى ما أزعجتـك اليوم !

[.. آخر سطر ..]

إلى أمي ..


~~~~~


يــمّــه عسى ما أزعجتـك اليوم يمّـه..
أحس في صدري عـذاب وحريقـه . .

يضمني حزني وأنا حيـل أضمـّه ..
كنه ضناي وشوفته شـوف ضيقـه ..

~~~~~

يمه وأنا ابنك وإذا قلـت يمـه ..
شوفي لهمي والمواجـع طريقـه ..

ضميني لصـدرك ثمانيـن ضمـه ..
ضمة عشيـقٍ مفـارقٍ عن عشيقـه ..

~~~~~

كانك سألتي خاطري ويش همـه؟ ..
بعلمـك وأبـي جـواب الحقيـقـه ..

ليه الزمان اليوم مافيه ذمه ؟!!
ليه الطعون اللي بظهري عميقه ؟!!


~~~~~


ليه أنخدع في ناس كانت مهمه ؟!!
ويوم أكتشفها وهم ماله حقيقـه ؟!!

ليه الذي وقت الرخـا كـان قمـه ..
وقت الشدايد مالقينا طريقـه ؟!!

~~~~~

وليه الحسد يمي من عيون عمه ؟!!
وليه الخطا لو قلت كلمة رقيقـه ؟!!

أزيـد يمـه وإلا كافـي مغمـّه ؟!!
أشوف عينك مـن هماهـا غريقـه ..

يمـه دخيلـك آسـفٍ آآه يـمـه ..
كنـي جرحتـك وأنـتـي أغــلى صديقه ..


~~~~~
~~~
~~
~


لتحميل الأنشودة

http://sub3.rofof.com/01vkmyd15/Yommmah.html

~
~~
~~~
~~~~~


من كل قلبي .. يـــمـــه عسى ما أزعجتك اليوم ؟

[***حنين***]

اخرسطر اهنيك على رووعة الاختيار .. اعجبتني وبقوه ..

ع الجرح







...............

[الجرح..ارحم]

كلمات رائعه


يسلموو خيتو


دمتي


تقبلي مروري

[لقيت روح ـي]

يسلمو على الطرح
تحياتي لك

[.. آخر سطر ..]

***حنين***

الجرح..ارحم

لقيت روح ـي


&&&


ربي يسلمكم من كل شر
اسعدتوني بتواجدكم ومشاركتكم لي

ع الجرح

حنونه ... الله يخلي لنا امهاتنا هم البلسم الشافي لكل الجراح

[ام الحسام]

رائعه اختنا اخر سطر واختيار اروع والله وجود الام مايعدله اي وجود في هالدنا الله لا يحرمني منك ياأمي الغاليه

[.. آخر سطر ..]

حفظ الله لك أمك وحفظ أمهات المسلمين أجمعين يارب العالمين

شكراً لمشاركتك لي غاليتي ,,

[تذكار]

**

سلمت آخر سطر .. يكفينا من هذه القصيدة كلمة ( يمة ) لتثير الشجون


الله يهنيكم بشوفة أمهاتكم